- РАЦЪОН БИРÆГЪЫ ТАРД ФÆКÆНЫН
- тж. РАЦЪОН ЛÆДЖЫ СЫРД ФÆКÆНЫНÆгады сырд кæнын.
Рæхджы фæстæмæ рыздæхтысты æмæ аив нæу. Дæу дæр æм куы 'рбаййафой, уæд мын мæхи дæр рацъон бирæгъы тард фæкæндзысты. (СИ. 1990, 214.)
Ацы фразеологизмы истори баст у «КЪОРТЪОХМÆ ФÆЛÆБУРЫНимæ». Иу рæстæджы Къортъохмæ фæлæбурыны рæстæджы тæлæтгæнджытæй иу фæмард. Уый мастмæ раскъæфтой Къортъохы фырты. Йæ фырты сæрыл лæвæрдта сыгъзæрин, фæлæ йын æй уæддæр нæ радтой. Уæд Къортъох йæ фæсдзæуинты тыхджындæртыл скодта алыхуызон дарæс, тæлæтгæнджытæ сæ куыд нæ базыдтаиккой, сæ иуыл уыд бирæгъдзарм. Уыдон сывæллоны хъуамæ раскъæфтаиккой, фæлæ сæ уайтагъд базыдтой тæлæтгæнджытæ æмæ дзы кæй къæдзæхæй аппæрстой, кæй кардæй амардтой. Бирæгъы царм кæуыл уыд, уый фæнадтой, дурæйдзагъдæй йæ расырдтой. Нæ йæ амардтой уымæн, æмæ сын тæлæт кæныны рæстæджы æххуыс кодта. Ардыгæй цæуы «Рацъон бирæгъы тард фæкæнын», кæнæ «Рацъон лæджы сырд фæкæнын».
Фразеологический словарь иронского диалекта. - Цхинвал:, Полиграфическое производственное объединение РЮО, 2-е дополненное издание. . Составил Дзабиты З. Т., Редактор издания Дзиццойты Ю. А..
